Mashhur germaniyalik sobiq murabbiy Yupp Xaynkes "Bayer" yarim himoyachisi Florian Virs haqida fikr bildirdi.

Yevropa grandlari 21 yoshli yulduzni o‘z safiga qo‘shib olish ishtiyoqida yonmoqda. Unga "Bavariya," Madridning "Real" va "Manchester Siti" klublari asosiy da’vogar bo‘lib turibdi.

"Virs jiddiy yigit, u o‘zining ichki ovoziga quloq solishi kerak. Florianni ajoyib o‘yinchi deb hisoblayman, ammo u hali ko‘plab to‘siqlarni yengib o‘tishi kerak. Mbappening "Real"dagi holati bunday miqyosdagi top-klubga o‘tgandan keyin qanchalik qiyin bo‘lishi mumkinligini ko‘rsatadi. Psixologik barqarorlik jahon darajasidagi futbolchining karyerasidagi asosiy tarkibiy qismdir.

Toni Kroos buni ajoyib tarzda uddalardi, o‘z o‘yinini doimiy ravishda takomillashtirib borardi va menimcha, Virs ham shunga o‘xshash mentalitetga ega. O‘ylaymanki, uni ham ajoyib karyera kutmoqda," - dedi Xaynkes Kicker nashriga bergan intervyusida.