"Тоттенхэм" ярим ҳимоячиси Жеймс Мэддисон тиззасидан олган жиддий жароҳати туфайли сафдан чиқди.
Англиялик футболчи якшанба куни бўлиб ўтган "Вест Хэм"га (1:1) қарши ўйин олдидан лазаретга тушиб қолди. Журналист Алекс Крукнинг маълум қилишича, 28 ёшли хавбек учун мавсум якунланди - у яқин орада майдонга қайта олмайди. Текширув натижалари бир кун ичида чиқади.
"Шпорлар" бош мураббийи Анге Постекоглу Жеймс Мэддисоннинг жароҳати жиддий кўринаётганини тан олганди. Жорий мавсумда футболчи лондонликлар сафида барча мусобақаларда 45 та ўйин ўтказиб, 12 та гол урган ва 11 та голли узатмани амалга оширган.
