Ральф Хазенхюттль "Вольфсбург" бош мураббийлигидан кетди.
Қуйи Саксония жамоаси сафарда Бундеслиганинг 32-турида "Боруссия" Дортмундга йирик ҳисобда ютқазиб қўйди (0:4).
"Вольфсбург" кетма-кет 8 ўйинда ғалаба қозона олмаяпти - 6 мағлубият, 2 дуранг. Клуб 39 очко билан 12-ўринни эгаллаб турибди.
Бугун "бўрилар" Хазенхюттль билан ҳамкорликни тўхтатганини эълон қилди.
"РБ Лейпциг" ва "Саутгемптон"нинг собиқ бош мураббийи жамоани 2024 йилнинг март ойида қабул қилиб олганди, австриялик мураббий қўл остидаги 44 ўйинда жамоа 17 та ғалаба, 18 та мағлубият ва 9 та дуранг қайд этган.
Мавсум якунига қадар "Вольфсбург"ни U19 жамоаси устози Даниэль Бауэр бошқаради.
