"Ливерпуль" бош мураббийи Арне Слот клубнинг трансфер ишлари ҳақидаги фикрлари билан ўртоқлашди.
"Қизиллар" етакчисининг сўзларига кўра, жамоа шошилинч кучайтиришга муҳтож эмас, аммо мос келадиган вариантлар ўрганилади.
"Келаётган ёзни аллақачон муваффақиятли деб аташ мумкин, чунки биз ҳамма кутган Муҳаммад Салоҳ ва Виржил ван Дейкни сақлаб қолдик. Бу биз учун катта аҳамиятга эга. Таркибимиздан мамнун эканимни айтдим, аммо баъзида янги энергия олиб келиш фойдали. Ёзда нима бўлишини кўрамиз. Бозорда бизни кучайтира оладиган ўйинчини кўрган тақдирдагина шартнома имзолаймиз," - деди нидерландиялик мураббий "Челси"га (1:3) қарши ўйиндан кейин берган интервьюсида.
