Аввалроқ "Ливерпуль"ни бошқарган германиялик мутахассис Юрген Клопп "қироллик клуби"ни бошқаришдан бош тортганидан афсусда эканини "Реал" боссларига маълум қилди. Бу ҳақда Marca газетаси хабар бермоқда.
Манбанинг таъкидлашича, энди Клоппнинг "қаймоқранглилар" бошқарувига таклиф этилиши даргумон, чунки Мадриднинг топ-клуби Леверкузеннинг "Байер" клуби бош мураббийи Хаби Алонсо билан ҳамкорлик ҳақида олдиндан келишиб қўйган. У жамоа бош мураббийи сифатида италиялик Карло Анчелотти ўрнини эгаллаши керак.
Бу мавсумда "Реал" Испания Кубоги ва Чемпионлар Лигасида муваффақиятсизликка учради. Жамоа Ла Лигада ғолибликка даъвогарликни давом эттирмоқда.
