"Реал" таркибни кучайтириш учун ёш иқтидорларни излашда давом этмоқда ва бу сафар "Пари Сен-Жермен"нинг умидли вингерига эътибор қаратди. Гап Дезире Дуэ ҳақида кетяпти. Родриго яқин ойларда клубни тарк этиши мумкинлигини инобатга олиб, "қаймоқранглилар" раҳбарияти Дуэни бразилиялик футболчига идеал ўринбосар сифатида кўрмоқда.
"Fichajes" нашри хабарига кўра, "қаймоқранглилар" футболчининг трансфери учун 100 миллион еврогача маблағ сарфлашга тайёр - бу унинг ҳозирги бозор нархидан анча юқори, аммо Дуэнинг истеъдодига бўлган катта ишончдан далолат беради.
Агар трансфер амалга ошса, Дуэ нафақат бугунги, балки Мадрид клубининг келажакдаги ҳужум чизиғининг асосий элементига айланади. Бу билан "қаймоқранглилар" Европанинг энг кучли клублари орасида ўз мавқеини янада мустаҳкамлаб олишни мақсад қилган.
Маълумот учун, 19 ёшли француз бу мавсумда "ПСЖ" сафида барча мусобақаларда 49 та ўйинда майдонга тушиб, 13 та гол ва 12 та голли узатмага муаллифлик қилган.
