Кафунинг айтишича, Рафинья "Барселона" етакчиси ва "Олтин тўп"га лойиқ.

- Рафинья "Олтин тўп"га номзодми?

- Тўғрисини айтсам, бугун мен Рафинья билан рақобатлаша оладиган футболчиларни кўрмаяпман. Балки фақат Муҳаммад Салоҳ рақобатлашиши мумкин. Менимча, бу иккиси “Олтин тўп”га асосий даъвогарлар.

Рафинья аллақачон 31 та гол урган ва 25 та голли узатмани амалга оширган. У Мессининг рекордини янгилади (Чемпионлар лигаси мавсумида "Барселона" учун урилган голлар бўйича) ва у буни ҳозирда дунёнинг энг яхшиси ҳисобланган ва юлдузларга тўла жамоада амалга оширди.

У бу жамоанинг юраги, унинг ҳаракатлантирувчи двигатели, бутун "Барселона" ўйинининг темпини ўрнатувчи. Ва айниқса, бу бразилиялик - ҳақиқий етакчига айланган бразилиялик эканлигидан мамнунман.

У буюк клуб - "Барселона"нинг сардори ва бу кўп нарсани англатади", - деди Бразилия терма жамоасининг собиқ ҳимоячиси Кафу.