Сешанба оқшомида "Интер" ва "Барселона" ярим финалнинг жавоб учрашувида Чемпионлар лигаси финали йўлланмаси учун ўйнайди. Каталония жамоаси бош мураббийи Ханс-Дитер Флик Роберт Левандовскининг ҳолати ҳақида гапирди.
Немис мутахассиси польшалик ҳужумчи асосий таркибда майдонга тушмаслигини тасдиқлади.
"Кеча гаплашдик. Ҳаммаси яхши кетмоқда. Левандовски захирада майдонга тушишга тайёр. Агар у бизга керак бўлса, майдонга тушади. У ўзини яхши ҳис қилмоқда ва керак бўлса бизга ёрдам беришга тайёр", - деди Флик матбуот анжуманида.
Эслатиб ўтамиз, "Барселона" ва "Интер" ўртасидаги биринчи ярим финал учрашуви 3:3 ҳисобида якунланганди.
