"Ливерпуль" ҳимоячиси Трент Александр-Арнольд клублар ўртасидаги жаҳон чемпионатида Мадриднинг "Реал" клуби сафида ўйнаши эҳтимоли юқори. Бу ҳақда Diario AS хабар бермоқда.
Аввалроқ, футболчи жорий мавсум якунида "Ливерпуль"ни тарк этишини маълум қилганди. Ҳимоячининг янги клуби "Реал" бўлиши кутилмоқда.
Айтиш керакки, Трентнинг мерсисайдликлар билан шартномаси 30 июнга қадар мўлжалланган, клублар ўртасидаги жаҳон чемпионати эса 15 июндан бошланади. Аҳамиятлиси, 1-10 июнь кунлари ФИФА қўшимча трансфер ойнасини очади.
"Реал"нинг навбатдаги йирик турнирдаги рақиблари Саудия Арабистонининг "Ал-Ҳилол," Мексиканинг "Пачука" ва Австриянинг "Ред Булл Зальцбург" жамоалари бўлади.
