Роппа-роса 6 йил муқаддам Венсан Компани "Лестер"га қарши ўта қийин кечган ўйиннинг сўнгги дақиқаларида қуйидаги шедеврни ижро этганди. Бу гол ва ғалаба "Сити"га жуда оғир кечган рақобатда чемпионликни тақдим этганди. Компани бу орқали иккинчи бор "Сити"га якунда чемпионлик келтирган голларни киритган.
Гол ҳақида ўйиндан кейин Серхио Агуэро шундай деганди: "Қарасам, Винни тепишга тайёргарлик кўряпти. Шундоқ ҳам вазиятлар бизда бўлмаётганди. Тўпни йўқотишни истамадим ва унга бақирдим: No Vinny, no Vinny! Тепма... Қандайдир сониялар ўтиб қарасам, тўп дарвоза тўрида эди".
