Франциянинг "ПСЖ" клуби Маркиньоснинг ўрнини эгаллаши мумкин бўлган янги марказий ҳимоячи қидирмоқда. Ёзги трансферлар вақтида 30 ёшли бразилиялик парижликлар жамоасини тарк этиши мумкин.
Sky Sport журналистларига маълум бўлишича, Украина терма жамоаси ва "Борнмут" ҳимоячиси Илья Забарний Лига 1 чемпиони эътиборига тушган. Футболчининг трансфер нархи 40 миллион еврога баҳоланмоқда. Унинг "Борнмут" билан меҳнат шартномаси 2029 йилнинг ярмигача мўлжалланган.
Англия чемпионатининг жорий мавсумида Забарний 33 та учрашув ўтказди. Ҳимоячи учта сариқ карточка олди ва бир марта майдондан четлатилди.
