Миланнинг “Интер” жамоаси ҳужумкор ҳимоячиси Дензел Дюмфрис Чемпионлар Лигаси ярим финалида “Барселона”га қарши ўйинда ажойиб натижа қайд этди. Нидерландиялик футболчи биринчи ўйинда (3:3) жамоасининг барча голларида иштирок этди — икки гол урди ва бир ассист қайд этди. Жавоб учрашувида эса яна икки голли узатма амалга оширди.

Opta статистик маълумотларига кўра, Дюмфрис ушбу босқичда 5 та голли ҳаракат (гол+ассист) қайд этган Чемпионлар Лигаси тарихидаги фақат учинчи футболчига айланди. Ундан олдин бундай натижага фақат Алессандро Дель Пьеро (6 та голли ҳаракат, “Ювентус”, 1997/98) ва Роберто Фирмино (5 та, “Ливерпуль”, 2017/18) эришган.

Энг қизиғи — Дюмфрис ушбу ютуққа эришган тарихдаги биринчи ҳимоячи ҳисобланади.