"Барселона" президенти футболчилар Чемпионлар лигасидан чиқиб кетганидан кейин уларни қўллаб-қувватлади.

Каталонияликлар турнир ярим финалининг жавоб ўйинида “Интер”га имкониятни бой берди (3:4, биринчи ўйин – 3:3).

Ёзилишича, ўйиндан сўнг “блауграна” президенти Жоан Лапорта кийим алмаштириш хонасига кирди. У футболчиларга таъна ва танқидлар айтмади, балки уларни кўрсатган ҳаракатлари ва характери учун мақтади.

"Бошингизни баланд кўтариб кетишингиз мумкин, мухлислар сиз билан фахрланадилар. Яна шундай қиламиз ва бундан ҳам яхшироқ ишлаймиз", - деди Лапорта.