Чемпионлар лигаси ярим финалидан ўрин олган "Интер" - "Барселона" жавоб ўйинини бошқариб борган ҳакам Шимон Марциняк унга нисбатан билдирилган танқидий фикрларга жавоб қайтарди.
Сешанба куни бўлиб ўтган учрашув 4:3 ҳисобида (икки ўйин натижасига кўра 7:6) якунланди - финал йўлланмаси "нерадзуррилар"га насиб этди. Баҳс тугагач, Каталония гранди футболчилари ҳакам ишидан норозилигини яширмади, жамоа бош мураббийи Ханс-Дитер Флик ҳам танқид қилди.
"Флик ва "Барселона" футболчиларининг изоҳлари шунчаки бемаъни. Бу аҳмоқона гаплар ҳақида нима дейишим мумкин? Мен ҳеч кимга зарар етказмадим," - дея Марчинякнинг сўзларини келтиради испан ОАВ.
