Лондоннинг "Арсенал" клуби аллақачон "Реал" даъвогарлик қилаётган марказий ҳимоячи Вильям Салибанинг ўрнини ким эгаллаши ҳақида бош қотирмоқда.
Француз "қаймоқранглилар"нинг устувор трансфер мақсади ҳисобланади ва ёздаёқ испан гранди уни ўз сафига қўшиб олишга уриниб кўриши мумкин. Cadena SER хабарига кўра, "Арсенал" Салибага ўринбосар изламоқда. "Канонирлар"га "Валенсия"дан 20 ёшли Кристиан Москера ёқмоқда, унинг амалдаги шартномаси келаси йилнинг ўрталарида тугайди.
Transfermarkt портали Москеранинг нархини 30 млн еврога баҳоламоқда. "Кўршапалаклар" тарбияланувчисига Мадриднинг "Атлетико" клуби ҳам қизиқмоқда.
