"Ньюкасл Юнайтед" марказий ярим ҳимоячиси Баран Йилдиз жамоани тарк этишни истамаслигини айтди. Аввалроқ “Генчлербирлиги”да тўп тепган 18 ёшли футболчи қишки трансфер ойнасида АПЛ клуби сафига келиб қўшилди. У ёзда ижарага юборилиши кутилмоқда.
"Туркияга қайтиш ниятим йўқ. Бошқа давлатдан таклиф тушса ҳам кетишни истамайман. Бу дунёнинг энг яхши лигаси, мен шу ерда қолмоқчиман. Бруну Фернандеш ва Мартин Эдегорга қарши ўйнамоқчиман. Уларнинг иккаласи ҳам топ футболчилар, мен улар билан учрашишни истардим", - дейди Йилдиз.
"Ньюкасл"га ўтганидан сўнг футболчи ёшлар жамоасида 4та ўйинда майдонга тушиб, 1та голли узатмани амалга оширди.
