"Nyukasl Yunayted" markaziy yarim himoyachisi Baran Yildiz jamoani tark etishni istamasligini aytdi. Avvalroq “Genchlerbirligi”da to‘p tepgan 18 yoshli futbolchi qishki transfer oynasida APL klubi safiga kelib qo‘shildi. U yozda ijaraga yuborilishi kutilmoqda.

"Turkiyaga qaytish niyatim yo‘q. Boshqa davlatdan taklif tushsa ham ketishni istamayman. Bu dunyoning eng yaxshi ligasi, men shu yerda qolmoqchiman. Brunu Fernandesh va Martin Edegorga qarshi o‘ynamoqchiman. Ularning ikkalasi ham top futbolchilar, men ular bilan uchrashishni istardim", - deydi Yildiz.

"Nyukasl"ga o‘tganidan so‘ng futbolchi yoshlar jamoasida 4ta o‘yinda maydonga tushib, 1ta golli uzatmani amalga oshirdi.