Англия терма жамоаси ва “Милан”нинг тажрибали ҳимоячиси Кайл Уокер фаолияти давомида унга қарши ўйнаш жуда мушкул бўлган ҳужумчини айтди. Унинг танлови кўпчилик кутганча Мбаппе, Неймар ёки Винисиус эмас, балки собиқ жамоадоши — франциялик Самир Насри бўлди.
“Одамлар Мбаппе, Мане, Винисиус, Неймар ва бошқаларни айтиши мумкин. Лекин шахсан мен учун энг қийин рақиб Самир Насри бўлган. Унга қарши ўйнаш жуда ноқулай эди, айниқса у Гаэль Клиши билан бирга ўйнаганда. Улар бир-бирини ажойиб тушунишарди”, — деди Уокернинг сўзларини pianetamilan.it нашри келтирмоқда.
