Европа Конференциялар Лигаси ярим финал жавоб учрашувида “Фиорентина” ўз уйида “Бетис”ни мағлуб этишни уддалай олмади. Испанияликлар қўшимча вақтда ҳисобни тенглаштириб, ўз тарихларида илк бор еврокубок финалига йўл олди.
Учрашувдан сўнг “Бетис” бош мураббийи Мануэль Пеллегрини ўз фикрлари билан ўртоқлашди:
“Биз бутун ўйин давомида тўлиқ назоратни сақладик. Яна бир неча бор гол уриш имкониятларимиз бўлди. Рақибнинг ҳисобни тенглаштириши эса мутлақо мантиққа тўғри келмади — улар жуда кам ҳолатларда дарвозамизга яқинлашишди. Шу боис, ўйин қўшимча вақтга ўтиб кетгани мен учун кутилмаган ҳол бўлди. Шунга қарамай, натижадан мамнунман”, — деб Пеллегринининг сўзларини fiorentinanews.com келтирмоқда.
