“Манчестер Юнайтед” ярим ҳимоячиси Мэйсон Маунт Европа Лигаси ярим финали жавоб учрашувида “Атлетик” дарвозасига дубль қайд этди. Унинг жамоаси учрашувда 4:1 ҳисобида ғалаба қозонди (биринчи ўйин – 3:0).

Маунтнинг голлари 72- ва 91-дақиқаларда киритилди. Иккинчи гол эса ўйиннинг энг ёрқин эпизодларидан бирига айланди — Расмус Хейлунд рақиб дарвозабони Хулен Агирресабалагага босим ўтказиб, уни хатога мажбур қилди. Мэйсон эса шу имкониятдан фойдаланиб, деярли майдон марказидан тўпни бўш дарвозага йўллади.

Эслатиб ўтамиз, Маунт 4 май куни “МЮ” сафида 2024 йил март ойидан бери илк бор гол урган эди.