“Бетис” сардори Иско жамоасининг Конференциялар Лигаси финалига чиққанидан сўнг ўз таассуротлари билан ўртоқлашди. Эслатиб ўтамиз, жавоб учрашувида “Фиорентина”га қарши ўйин 2:2 ҳисобида якунланди, умумий натижа 4:3 “Бетис” фойдасига ҳал бўлди.
“Бу жуда оғир ўйин бўлди, айниқса, биз кўплаб имкониятлардан фойдалана олмаганимиз учун. Рақиб жуда кучли эди ва бизга осон бўлмади. Аммо қўшимча вақтда бизни финалга олиб чиққан голни уришга муваффақ бўлдик. Ҳозир мен фақат хурсанд бўлишим мумкин!” — дея Исконинг сўзларини келтиради УЕФА матбуот хизмати.
