“Betis” sardori Isko jamoasining Konferensiyalar Ligasi finaliga chiqqanidan so‘ng o‘z taassurotlari bilan o‘rtoqlashdi. Eslatib o‘tamiz, javob uchrashuvida “Fiorentina”ga qarshi o‘yin 2:2 hisobida yakunlandi, umumiy natija 4:3 “Betis” foydasiga hal bo‘ldi.

“Bu juda og‘ir o‘yin bo‘ldi, ayniqsa, biz ko‘plab imkoniyatlardan foydalana olmaganimiz uchun. Raqib juda kuchli edi va bizga oson bo‘lmadi. Ammo qo‘shimcha vaqtda bizni finalga olib chiqqan golni urishga muvaffaq bo‘ldik. Hozir men faqat xursand bo‘lishim mumkin!” — deya Iskoning so‘zlarini keltiradi UEFA matbuot xizmati.