“Тоттенхэм” ҳужумчиси Доминик Соланке Европа Лигаси ярим финали жавоб учрашувида “Буде-Глимт” устидан қозонилган 2:0 ҳисобидаги ғалабадан сўнг ўз фикрлари билан ўртоқлашди. Ушбу натижа жамоага финалга йўл очди.

“Яна бир ўйин қолди ва умид қиламан, биз бунга эришамиз. “Буде-Глимт” яхши бошлади, ва биз бу ўйин оғир бўлишини билардик. Шундай экан, интизомли ўйнаш керак эди. Бизга мухлисларимиз катта ёрдам берди — биринчи ўйиндагидек бугун ҳам улар ажойиб эдилар. Умид қиламан, улар Бильбаога ҳам кела оладилар ва яна бир ўзгача кунни бирга нишонлаймиз”, — деди Соланке УЕФА матбуот хизматига.