“Манчестер Юнайтед” ўз майдонида “Атлетик”ни йирик ҳисобда — 4:1 мағлуб этиб, Европа Лигаси финалига йўл олди. Учрашувдан сўнг жамоа ҳимоячиси Лени Йоро BBC Sport'га ўз фикрларини билдирди.

“Мен жамоамга голлар урилишида ёрдам беришга ҳаракат қиламан. Бу сафар Мэйсонга пас узатдим ва у имкониятдан фойдаланди. Биз ғалабадан жуда мамнунмиз.

Мен “Манчестер Юнайтед”га катта мақсадлар учун, ғалабалар ва трофейлар учун келганман. Мен болалигимдан шу клуб учун мухлислик қилганман ва бугунги натижадан ғурурланаман. Ҳозир эса бор кучимни жамоа учун сарфлаяпман.”