Англиянинг “Челси” клуби ёзги трансфер ойнасида “Страсбург” ҳужумчиси Эммануэль Эмега билан шартнома имзолаш бўйича музокаралар олиб бормоқда. Бу ҳақда Foot Mercato нашри хабар берди.
22 ёшли нидерландиялик футболчи жорий мавсумда Франция Лига 1да 14 та гол ва 3 та голли узатма билан ажралиб турибди. Унинг юқори тезлиги ва самарадорлиги “Челси”нинг диққатини тортган.
“Челси” ва “Страсбург” клублари BlueCo гуруҳига тегишли бўлгани сабабли, трансфер жараёнидаги музокаралар осон кечиши мумкин.
Transfermarkt маълумотлари:
Бозор қиймати: €20 миллион
Шартнома муддати: 2027 йил 30 июнгача
Жорий мавсум статистикаси (барча мусобақаларда):
Ўйинлар: 29
Голлар: 14
Голли узатмалар: 3
Эмега 2023 йилда “Штурм Грац”дан €13 миллион эвазига “Страсбург”га ўтган эди. Унинг Премьер-лигада ўйнаш истаги борлиги ва бу трансфер унинг Нидерландия терма жамоасига чақирилиши имкониятини ошириши мумкинлиги таъкидланмоқда.
