"Ливерпуль" "Манчестер Сити" ҳужумкор ярим ҳимоячиси Кевин де Брюйне билан шартнома имзолашни режалаштирмаяпти, дея хабар бермоқда The Athletic журналисти Девид Орнштейн.
33 ёшли бельгиялик футболчи мерсисайдликларнинг баъзи футболчилари, хусусан, Виржил ван Дейк билан дўст. Орштейннинг таъкидлашича, улар де Брюйнени жамоада кўришдан хурсанд бўлишади.
Бироқ, "Ливерпуль" футболчини ўз сафига қўшиб олиши мумкинлиги ҳақидаги ҳар қандай гап-сўзлар асоссиз ҳисобланади.
Аввалроқ Жанлука Ди Марцио де Брюйнега "Ливерпуль" ва "Наполи" қизиқиш билдираётгани ҳақида ёзганди.
33 ёшли бельгияликнинг "шаҳарликлар" билан шартномаси 2025 йилнинг 30 июнида якунига этади. Аввалроқ, ушбу келишув узайтирилмаслиги ва Кевин де Брюйне мавсум якунида клубни тарк этиши расман маълум бўлганди.
Бу мавсумда ярим ҳимоячи клуб миқёсида 36 та ўйинда 6 та гол урди ва 8 та голли узатмани амалга оширди.
