"Liverpul" "Manchester Siti" hujumkor yarim himoyachisi Kevin de Bryuyne bilan shartnoma imzolashni rejalashtirmayapti, deya xabar bermoqda The Athletic jurnalisti Devid Ornshteyn.
33 yoshli belgiyalik futbolchi mersisaydliklarning ba’zi futbolchilari, xususan, Virjil van Deyk bilan do‘st. Orshteynning ta’kidlashicha, ular de Bryuyneni jamoada ko‘rishdan xursand bo‘lishadi.
Biroq, "Liverpul" futbolchini o‘z safiga qo‘shib olishi mumkinligi haqidagi har qanday gap-so‘zlar asossiz hisoblanadi.
Avvalroq Janluka Di Marsio de Bryuynega "Liverpul" va "Napoli" qiziqish bildirayotgani haqida yozgandi.
33 yoshli belgiyalikning "shaharliklar" bilan shartnomasi 2025 yilning 30 iyunida yakuniga etadi. Avvalroq, ushbu kelishuv uzaytirilmasligi va Kevin de Bryuyne mavsum yakunida klubni tark etishi rasman ma’lum bo‘lgandi.
Bu mavsumda yarim himoyachi klub miqyosida 36 ta o‘yinda 6 ta gol urdi va 8 ta golli uzatmani amalga oshirdi.
