Ҳимоячи Вильям Салиба "Реал" радарида турибди. "Арсенал" етакчиларидан бирини йўқотмоқчи эмас, шунинг учун шартномани узайтириш бўйича музокараларни бошлади. The Athletic нашри хабарига кўра, "канонирлар" ҳали таклиф билан чиқмаган, аммо Салиба жамоаси билан кейинги муҳокамалар давомида уни тақдим этишга тайёрланмоқда.

Қайд этилишича, Салиба "Арсенал"да бахтли, аммо француз ўз позициясида етакчи футболчилардан бири мақомини акс эттирадиган келишувни қидиради.

Салиба 24 ёшда. Унинг "Арсенал" билан амалдаги меҳнат шартномаси яна икки мавсумга мўлжалланган - 2027 йилнинг ярмигача мўлжалланган.