Ла Лиганинг 35-туридан ўрин олган "Барселона" ва "Реал" ўртасидаги Каталонияда бўлиб ўтадиган учрашув олдидан расмийлар хавфсизлик чораларини сезиларли даражада кучайтиришга қарор қилишди.
Стадион ва унинг атрофида тартибни сақлаш учун 700 га яқин хавфсизлик ходими, жумладан, 440 полициячи сафарбар этилади.
Бу бундай ўйинлар учун одатий хавфсизлик даражасидан деярли икки баравар кўп. Marca хабарига кўра, ҳар икки жамоанинг хавфсизлик ходимлари доимий алоқада бўлиб, жамоалар ҳаракати ва потенциал фаол мухлислар гуруҳлари ҳақида маълумот алмашадилар.
Хавфсизликка эътибор кучайганига қарамай, Ла Лига юзага келиши мумкин бўлган ҳодисалар хавфини паст деб баҳолайди.
