Криштиану Роналду яна Саудия Арабистони чемпиони бўла олмади.
Турнир жадвалида пешқадамлик қилаётган "Ал-Иттиҳод" кеча 31-турда "Ал-Фейҳа"ни йирик ҳисобда мағлуб этди (3:0) ва португалиялик футболчи тўп тепаётган "Ан-Наср"ни 14 очкога ортда қолдирди. Ар-Риёд клуби захирасида ҳали бир ўйин борлигига қарамай, чемпионлик учун имкониятлар аллақачон бой берилган.
Бу "Ан-Наср"нинг Роналду билан шартнома имзолаганидан бери мағлубиятга учраган ўн биринчи турниридир. Жамоа икки ярим йил ичида на Саудия Арабистони чемпионатида, на Осиё Чемпионлар лигасида, на Қирол кубогида ва на Суперкубокда ғалаба қозона олди.
Криштиану трансферидан кейин "Ан-Наср" битта мусобақада - ўртоқлик турнири ҳисобланган Араб чемпионлари кубогида ғолиб чиқди. Бу вақт ичида жамоа билан Руди Гарсия, Луиш Каштру, Стефано Пиоли каби мутахассислар ишлади.
