"Барселона" ўз майдонида "Реал"ни 4:3 ҳисобида енгди. Натижада Ханс-Дитер Флик жамоаси чемпионликка яқинлашди. Эндиликда пешқадам каталонияликлар иккинчи ўриндаги мадридликлардан 7 очко (82 - 75) олдинда бормоқда.
Олдинда яна учта тур бор, яъни ҳар бир жамоа яна тўққиз очко тўплаши мумкин. "Барселона" 14 май, чоршанба куниёқ Испания чемпионига айланиши мумкин. Агар "Реал" ўз майдонида "Мальорка"ни мағлуб этмаса, шундай бўлади.
Агар "Реал" ғалаба қозонса, "Барселона" кейинги куни, 15 май куни чемпионликни расмийлаштириши мумкин бўлади. Бунинг учун Флик жамоаси сафарда "Эспаньол"ни мағлуб этиши керак бўлади.
