Тез орада "Барселона" муддатидан олдин Ла Лига ғолибига айланиши мумкин. Якшанба куни "кўк-анорранглилар"нинг Мадриднинг "Реал" клуби устидан қозонган ғалабаси (4:3) чемпионлик масаласини деярли ёпди - каталонияликлар маррага уч тур қолганида "қаймоқранглилар"ни етти очкога ортда қолдирмоқда.
14 май куни "Реал" "Мальорка" билан ўйнайди ва мадридликлар мағлубиятга учраса, чемпионлик муддатидан олдин "Барселона"га насиб этади. Бир кун ўтиб Ханс-Дитер Флик жамоаси "Эспаньол"га қарши майдонга тушади. Marca хабарига кўра, "оқ-кўклар" принципиал рақибга, агар у Каталония дербисига чемпионат ғолиби мақомида келса, чемпионлик йўлагини тақдим этиши даргумон.
