Ўтган ҳафтада Ўзбекистон кубоги доирасида сафарда “Нефтчи”ни (2:0) таслим этган футболчиларимиз бир кунлик танаффусдан кейин кеча клуб қароргоҳида тўпланишди.
Айни пайтда жароҳати боис узоқ муддатга сафдан чиққан тажрибали футболчи Жаҳонгир Жиямуродов жамоа машғулотларига қўшилган бўлса, бир неча тур илгари жиддий жароҳат олган Алишер Юсупов эса куни кеча Москвада жарроҳлик амалиётини ўтади. Қолган барча футболчилар кейинги учрашувга жиддий ҳозирлик кўришмоқда.
Эслатиб ўтамиз, “Насаф” футболчилари миллий чемпионатда навбатдаги тур учрашувини 20 июнь, пайшанба куни Самарқанднинг “Динамо” жамоаси билан куч синашади. Учрашув соат 19:30 да “Марказий” стадионда бошланади.
