"Барселона" ҳужумкор ярим ҳимоячиси Рафинья бразилиялик ҳужумчи Неймарнинг Каталония грандига қайтолмагани ҳақида гапирди.
"Неймарнинг "Барса"га қайтиши мумкинлиги ҳақида гап-сўзлар бор эди. Мен у билан бу ҳақда гаплашдим, клубга таклиф қилдим. Бироқ якунда барчаси бизга боғлиқ бўлмади," - дея вингернинг сўзларини келтиради Barca Universal.
Эслатиб ўтамиз, Неймар қишки трансфер ойнасида Саудия Арабистонининг "Ал-Ҳилол" клубини Бразилиянинг "Сантос" клубига алмаштирган эди. Ҳужумчи ва клуб ўртасидаги амалдаги шартнома 2025 йилнинг ярмигача мўлжалланган. 33 ёшли бразилияликнинг бозор нархи ҳозирда 15 миллион еврога баҳоланмоқда.
