Мадриднинг “Реал” жамоасида жамоа бош мураббийи Карло Анчелоттининг иш фаолиятининг икки жиҳати клубда қониқмасликка сабаб бўлган, деб хабар беради "The Athletic".

Манба маълумотларига кўра, айрим футболчилар ва клуб ходимлари машғулотларда тактик ишларнинг етарли эмаслигидан шикоят қилган, бу эса кейин ўйинларда ўз аксини топган.

Шунингдек, “Реал”нинг айрим мутахассислари италиялик мураббийни ёш футболчиларга, хусусан ярим ҳимоячи Арда Гюлер ва ҳужумчи Эндрикка етарлича имконият бермаётганликда айблашган.

Эслатиб ўтамиз, кеча — 12 май куни, Анчелотти Бразилия терма жамоаси бош мураббийи этиб тайинлангани маълум бўлди. Илгарироқ хабар қилинганидек, италиялик мутахассис 26 майдан ўз ишига киришади. Карло 2021 йилдан бери Мадриднинг “Реал” клубини бошқариб келмоқда.

2013 йилдан 2015 йилгача ҳам Анчелотти “қоррангилар” жамоасига бош мураббийлик қилган. Унинг қўл остида “Реал” икки бор Испания чемпионлигини, уч марта эса УЕФА Чемпионлар лигасида ғолибликни қўлга киритган.