"Манчестер Юнайтед" кетма-кет иккинчи марта мавсум якунланиши муносабати билан тантанали кечки овқат қилмайди. Бу ҳақда The Times хабар бермоқда.
"Қизил иблислар" бундай тантанали маросимни кетма-кет иккинчи марта ўтказмайдилар. Бунинг ўрнига, расмий кечки овқат пайтида топширилиши керак бўлган индивидуал мукофотлар мавсумнинг сўнгги ўйини олдидан футболчиларга топширилади. Манкунианликлар 25 май куни Англия Премьер-лигасининг 38-тури доирасида "Астон Вилла"га қарши баҳс олиб боради.
Клубнинг фикрича, жамоанинг ҳозирги натижалари билан бундай тадбирларни ташкил этиш ортиқча, мухлислар ва ходимлар буни нотўғри талқин қилишлари мумкин. Харажатларни қисқартириш сиёсати "МЮ"нинг хатти-ҳаракатларига ҳам таъсир қилади. Бундан ташқари, жорий мавсум якунланиши билан "қизил иблислар"нинг мавсумдан кейинги турнеси бошланади.
Англия чемпионатининг жорий мавсумида "Манчестер Юнайтед" 16-ўринда бормоқда, жамоа Европа Лигаси финалида "Тоттенхэм" билан ўйнайди.
