Сўнгги воқеалар фонида "Барселона"да Марк-Андре тер Штеген биринчи дарвозабон бўлиш учун етарлича яхши эканлигига шубҳа пайдо бўлди. Бу ҳақда Diario As хабар бермоқда.
Манбага кўра, "Барселона"нинг позициясига тез-тез жароҳат олиши, шунингдек, дарвозабоннинг қайтганидан кейинги ишончсиз ўйини таъсир қилган.
Тер Штеген жорий мавсум барча мусобақаларда 8 та ўйинда майдонга тушиб, 8 та гол ўтказиб юборди ва бир марта ўз дарвозаси дахлсизлигини сақлаб қолди.
Дарвозабоннинг каталонияликлар билан амалдаги меҳнат шартномаси 2028 йилнинг ёзигача мўлжалланган. Transfermarkt экспертлари футболчининг нархини 15 млн еврога баҳоламоқда.
