“Манчестер Юнайтед”нинг нидерландиялик ҳужумчиси Жошуа Зиркзее аввалроқ “Болонья”да ўйнаган Италия чемпионатига қайтиши мумкин.
Италия матбуоти хабарига кўра, "қизил иблислар" ҳужумчисига "Интер" қизиқиш билдирмоқда. 23 ёшли Зиркзеенинг трансфери 35 миллион еврога баҳоланмоқда. Жошуанинг манкунианликлар билан амалдаги меҳнат шартномаси муддати 2029 йилнинг ўрталаригача ҳисобланган.
Англия Премьер-лигасининг жорий мавсумид футболчи “Манчестер Юнайтед” сафида 32 та ўйинда майдонга тушди. Жошуа учта гол урди ва битта голли узатмани амалга оширди.
