"Бавария" ҳужумчиси Харри Кейн Мюнхен жамоасининг клуб музейига ташриф буюрди ва Германия чемпиони 2024/2025 йилги кубоги "Кумуш салат идиши"ни тақдим этди.
"Бугун музейда бўлиш ва бу кубокни ҳамма кўриши учун кўргазмага қўйишдан жуда бахтиёрман!" — деб ёзди Кейн Х ижтимоий тармоғида.
Эслатиб ўтамиз, мюнхенликлар муддатдан олдин чемпионликни қўлга киритди. Тақдирлаш маросими 10 май, шанба куни Бундеслиганинг 33-туридан ўрин олган Мёнхенгладбахнинг "Боруссия" жамоасига (2:0) қарши ўйиндан сўнг бўлиб ўтди.
Қайд этиш керакки, 31 ёшли ҳужумчи учун Германия чемпионлиги унвони унинг профессионал фаолиятидаги биринчиси бўлди.
