"Реал" "Байер" бош мураббийи Хаби Алонсонинг эҳтимолий трансфери учун ҳеч қандай пул тўламайди. Бу ҳақда The Telegraph нашри хабар бермоқда.
Манба берган хабарга кўра, Леверкузен клуби испаниялик мутахассисни шартнома муддати тугашига бир йил қолганда текинга қўйиб юборишга рози бўлган, шунинг учун "Реал" ҳеч қандай пул сарфламайди. Қайд этилишича, сўнгги йилларда "қаймоқранглилар" кўпинча товон тўламай туриб, йирик операцияларни амалга оширмоқда.
9 май куни "Байер" матбуот хизмати жамоа бош мураббийи Хаби Алонсо жорий мавсум якунланганидан сўнг жамоани тарк этишини маълум қилди. Мутахассиснинг кейинги иш жойи "Реал Мадрид" бўлиши айтилмоқда, у Карло Анчелотти ўрнини эгаллайди, у ўз навбатида мавсум охирида клубдаги фаолиятини якунлайди ва Бразилия терма жамоасини бошқаради.
