"Реал" Трент Александр-Арнольдни текинга қўлга киритмоқчи.
Аввалроқ, "Ливерпуль" ҳимоячиси жорий мавсум якунида клубни тарк этишини маълум қилганди. У "Реал"га ўтишга яқин турибди.
Мадридликлар 26 ёшли футболчини клублар ўртасидаги жаҳон чемпионатида ўйнатмоқчи - агар инглизлар Трент билан шартномани муддатидан олдин бекор қилса, бунинг иложи бўлади. "Қизиллар" бунинг учун товон пули талаб қилиши айтилганди.
The Telegraph хабарига кўра, "Реал" "Ливерпуль"дан футболчини текинга қўйиб юборишни сўраган. Аввалроқ, испан ОАВлари "қаймоқранглилар" 500-850 минг фунт тўлашга тайёрлиги ҳақида ёзганди, бироқ аслида бу харажатлар клуб стратегиясига кирмайди.
