"Болонья" Италия кубоги финалида "Милан"дан устун келди ва ўз тарихида учинчи марта кубокни қўлга киритди. "Россонерилар"нинг португалиялик устози Сержиу Консейсау ўйин якунлари ҳақида фикр билдирди.
"Ўйин шиддатли кечди, иккинчи бўлимда кўпроқ иш қилишимиз мумкин эди, айниқса, "Болонья"нинг голидан кейин, аммо омадимиз келмади. Рақибни мақташим керак, улар яхши ўйнашди. Ҳакамликни муҳокама қилишни истамайман, чунки дарҳол баҳона қидираётганим ҳақида гап-сўзлар бошланади. Биз кўпроқ иш қилишимиз мумкин эди, мухлисларга ачинаман," - дея Консейсаунинг сўзларини келтиради pianetamilan.it.
