"Реал" ҳимоячиси Рауль Асенсио ва яна уч нафар футболчи вояга етмаган қиз билан интим мазмундаги видео тарқатгани учун жиноий жавобгарликка тортилиши мумкин. Чоршанба куни суд спортчиларга қўйилган айбловлар бўйича тергов якунланганини тасдиқлади. Рауль Асенсио, Ферран Руис, Хуан Родригес ва Андрес Гарсиянинг ҳаракатлари Жиноят кодексининг тўртта моддаси билан жиноят деб баҳоланиши мумкин.
Энди иш прокуратурага юборилди, у айблов хулосасини киритиши ва тўрт нафар футболчига нисбатан суд жараёнини очишни ёки ишни ёпишни талаб қилиши мумкин. Прокуратура қарори устидан кейинроқ шикоят қилиниши мумкин, деб ёзади The Athletic.
