Лондоннинг "Арсенал" клуби вингери Букайо Сака тез орада клуб билан янги шартнома имзолайди.
23 ёшли футболчининг амалдаги келишуви 2027 йилгача мўлжалланган, бироқ томонлар янги битим тузиш арафасида. Сака "Арсенал"нинг энг кўп маош олувчи футболчисига айланади, деб хабар бермоқда журналист Дин Жонс. Юлдузли инглизнинг маоши ҳафтасига 300 минг фунтдан (350 минг евродан ортиқ) ошади. Марказий ҳимоячи Вильям Салиба ҳам шартнома узайтирилганидан кейин ҳафтасига 350 минг евро атрофида маош олади.
Букайо Сака жорий мавсум "канонирлар" сафида 35 та ўйинда 12 та гол ва 14 та ассистни ўз ҳисобига ёздириб қўйди.
