"Ливерпуль" раҳбарияти амалдаги келишув якунига қадар Трент Александр-Арнольдни Мадриднинг "Реал" клубига қўйиб юбормоқчи эмас. Бу ҳақда The Sun хабар бермоқда.
Манбага кўра, Испания гранди мерсисайдликларга 26 ёшли ҳимоячи клублар ўртасидаги жаҳон чемпионати стартига қадар жамоага қўшилиши учун рамзий маънода бир миллион евро таклиф қилган. Бироқ инглиз клуби футболчини шартномаси якунига қадар сақлаб қолиш ниятида таклифни рад этган.
Эслатиб ўтамиз, Александр-Арнольд 5 май куни "Ливерпуль"ни тарк этишини эълон қилганди. У ўз клуби сафида 353 та ўйинда майдонга тушиб, 23 та гол урган ва 92 та голли узатмани амалга оширган.
