Мадриднинг “Реал” клуби Испания чемпионатининг 36-турида навбатдаги ғалабани қўлга киритди. “Мальорка”га қарши ўйинда Карло Анчелотти шогирдлари биринчи бўлиб гол ўтказиб юборган бўлса-да, ўйиннинг боришини ўзгартириб, қўшиб берилган вақтда киритилган гол эвазига 2:1 ҳисобида ғалаба қозонишди.
Бу "Лос-Бланкос"нинг жорий Ла Лигадаги олтинчи камбекидир. Бу кўрсаткич бўйича Мадрид клуби биринчи ўринни "Барселона" ва "Атлетико" билан бўлишиб турибди.
2024/25 йилги мавсумда Испания чемпионатида жами 50 та камбек қайд этилган. Бу 2012/13 йилги мавсумдан бери энг юқори кўрсаткичдир.
