Мадриднинг "Атлетико" клуби "Вест Хэм" вингери Муҳаммад Кудусга даъвогарлар рўйхатини тўлдирди.
24 ёшли футболчига аввалроқ бир неча бор Лондоннинг "Арсенал" клуби қизиқиш билдирган эди. Инсайдер Sam C нашри хабарига кўра, "матрасчилар" Transfermarkt портали томонидан 50 млн еврога баҳоланган ганалик футболчини ўз сафига қўшиб олиш ишларини бошлаб юборган.
Муҳаммад Кудуснинг харидига Саудия Арабистонининг "Ан-Наср" клуби ҳам қизиқиш билдирган ва 100 млн евролик товон пулини фаоллаштиришга тайёрлигини билдирган.
Ҳужумнинг икки қаноти ва марказда ўйнайдиган универсал футболчи жорий мавсум "Вест Хэм" сафида 33 та ўйинда майдонга тушиб, 4 та гол ва шунча ассистни ўз ҳисобига ёздириб қўйди.
