"Барселона"нинг 17 ёшли футболчиси Ламин Ямал Ла Лига чемпионлиги бўйича "Реал" афсонаси Криштиану Роналдуни қувиб етди.
Испаниялик вингер пайшанба оқшомида "Эспаньол"га қарши кечган дербида (2:0) жамоасига муддатидан аввал чемпионликни расмийлаштиришга ёрдам берди. Шундай қилиб, Ямал фаолиятида иккинчи марта Ла Лига ғолибига айланди - биринчи ғалаба 2022/23 йилги мавсумга тўғри келади, ўшанда вундеркинд биринчи жамоа ўйинларига эндигина қўйила бошланган эди. Буюк Криштиану Роналду ҳам "Реал"даги фаолияти давомида иккита чемпионликни қўлга киритган (2011/12 ва 2016/17).
Эслатиб ўтамиз, Роналду 2009-2018 йилларда "қироллик клуби" шарафини ҳимоя қилган. Португалиялик футболчи "қаймоқранглилар" тарихидаги энг яхши тўпурарга айланди, шунингдек, улар билан Чемпионлар лигасида тўрт марта ғалаба қозонган.
