"Барселона" бош мураббийи Ханс-Дитер Флик жамоа бошқарувидаги дебют мавсумидаги севимли лаҳзаси ҳақидаги саволга жавоб берди.

Германиялик мутахассис "кўк-анорранглилар"ни ички майдонлардаги барча турнирларда ғалаба қозонишга олиб келди. Пайшанба куни "Барселона" 36-тур доирасида "Эспаньол"ни 2:0 ҳисобида мағлуб этиб, муддатидан аввал Ла Лигада ғалаба қозонди.

Флик бу борада аниқ бир жиҳатни айта олмади, аммо ўз жавоби билан мухлисларни хурсанд қилгани аниқ: "Бу мавсумдаги энг севимли лаҳзам? "Эл класико"да "Реал" устидан қозонилган тўртта ғалаба," - деди мураббий матбуот анжуманида.