"Barselona" bosh murabbiyi Xans-Diter Flik jamoa boshqaruvidagi debyut mavsumidagi sevimli lahzasi haqidagi savolga javob berdi.
Germaniyalik mutaxassis "ko‘k-anorranglilar"ni ichki maydonlardagi barcha turnirlarda g‘alaba qozonishga olib keldi. Payshanba kuni "Barselona" 36-tur doirasida "Espanyol"ni 2:0 hisobida mag‘lub etib, muddatidan avval La Ligada g‘alaba qozondi.
Flik bu borada aniq bir jihatni ayta olmadi, ammo o‘z javobi bilan muxlislarni xursand qilgani aniq: "Bu mavsumdagi eng sevimli lahzam? "El klasiko"da "Real" ustidan qozonilgan to‘rtta g‘alaba," - dedi murabbiy matbuot anjumanida.













